اينٽي ڪرپشن ڪراچي عدالت جوابدار نعمت الله خان جي ليجنڊ ٽرسٽ اڪائونٽ ڪرپشن ڪيس ۾ ضمانت واري درخواست رد ڪري ڇڏي

اينٽي ڪرپشن ڪراچي عدالت جوابدار نعمت الله خان جي ليجنڊ ٽرسٽ اڪائونٽ ڪرپشن ڪيس ۾ ضمانت واري درخواست رد ڪري ڇڏي. ثقافت، سياحت، نوادرات، آرڪيائيوز ۽ ٽوئرزم کاتي جي ليجنڊ ٽرسٽ اڪائونٽ مان 5 ڪروڙ 56 لک 88 هزار 5 سئو رپين جي ڪرپشن ڪيس جي ٻڌڻي ٿي. عدالت طرفان جاچ آفيسر کان ڪيس جو چالان ۽ اڳڀرائي رپورٽ بابت پڇاڻو ڪيو ويو. جاچ آفيسر عدالت کان وڌيڪ جاچ ۽ مک جوابدار جي گرفتاري لاءِ مهلت گهري ورتي. عدالت جاچ آفيسر کي مهلت ڏيندي ڪيس جي ٻڌڻي 6 فيبروري تائين ملتوي ڪري ڇڏي. اينٽي ڪرپشن عدالت جي جج ايندڙ ٻڌڻي تي جاچ آفيسر کي جاچ مڪمل ڪري چالان جمع ڪرائڻ جو حڪم ڏئي ڇڏيو…..