اڳوڻو ايم اين اي روشن الدين جوڻيجو اسلام آباد ۾ لاڏاڻو ڪري ويو

سنڌ ۾ راڄوڻي فيصلن جي حوالي سان امين طور شهرت ماڻيندڙ سنڌ جي ڪلاسيڪل وڏيري مرحوم شاهنواز جوڻيجو جو وڏو پٽ اڳوڻو ايم اين اي ۽ پ پ اڳواڻ روشن دين جوڻيجو اسلام آباد جي اسپتال ۾ لاڏاڻو ڪري ويو. سندس مڙهه ايمبولينس ذريعي ٽنڊي آدم پهچايو ويو جتي سندس آخري رسمون ادا ڪرڻ جون تياريون ڪيون پيون وڃن. روشن دين جوڻيجو جو مڙهه جنازي نماز بعد اباڻي قبرستان ۾ مٽي ماءُ حوالي ڪيو ويندو. سندس تڏو ڳوٺ سنجر جوڻيجو ۾ وڇايو ويو آهي جتي پ پ اڳواڻ، سندس عزيزن سميت وڏي انگ ۾ ماڻهو پهچڻ شروع ٿي ويا آهن. صدر آصف علي زرداري، سينيئر صوبائي وزير شرجيل انعام ميمڻ، قومي اسيمبلي جي اسپيڪر اياز صادق ۽ ٻين سياسي سماجي اڳواڻن طرفان روشن الدين جوڻيجو جي لاڏاڻي تي ڏک ۽ افسوس جو اظهار پڻ ڪيو ويو آهي.