- Advertisement -
اڳوڻي ڪپتان محمد حفيظ پاڪستان ڪرڪيٽ ٽيم جي ڊائريڪٽر جي عهدي تان استعيفيٰ ڏئي ڇڏي.
ذريعن موجب، محمد حفيظ جو ڪانٽريڪٽ 15 ڊسمبر تائين هو.
ذريعن جو چوڻ آهي ته اڳوڻي ڪپتان نوڪريءَ جي مدي ۾ واڌ جي درخواست ڏني پر سندس ڪانٽريڪٽ ۾ واڌ نه ڪئي وئي جنهن هن عهدي تان استعيفيٰ ڏئي ڇڏي.
رپورٽن مطابق اڳوڻي ٽيسٽ ڪپتان کي بورڊ جي اعليٰ عملدارن واضح پيغام ڏنو آهي ته ويجهي مستقبل ۾ سندس خدمتن جي ضرورت نه پوندي.
محمد حفيظ کي چيئرمين جي آفيس ۾ موجود نبيلا ۽ ڊائريڪٽر ميڊيا عاليه رشيد سان بار بار رابطو ڪرڻ تي به خاطر خوا جواب نه ملي سگهيو.
چيف ايگزيڪيوٽو سلمان نصير جو واضح پيغام مليو آهي ته چيئرمين کيس ڊائريڪٽر جي حيثيت ۾ وڌيڪ وقت ڏيڻ لاءِ تيار نظر نٿو اچي ۽ هو چاهي ٿو ته پرڏيهي ڪوچنگ اسٽاف مختلف ذهنيت وارو هجي………..- Advertisement -
