بالي ووڊ اداڪارا سوناڪشي سنها ۽ اداڪار ظهير اقبال جي شادي جي تصديق ٿي وئي آهي، بالي ووڊ جي شخصيتن کي دعوت ناما ملڻ شروع ٿي ويا آهن.
ڪجهه ڏينهن اڳ ڀارتي ميڊيا ۾ خبرون هيون ته سوناڪشي ۽ ظهير اقبال هلندڙ مهيني 23 جون تي شادي ڪرڻ وارا آهن، جنهن جي ٻنهي اداڪارن طرفان تصديق يا ترديد نه ڪئي وئي.
گذريل ڏينهن سوشل ميڊيا تي جوڙي جي شادي جي دعوت بابت آڊيو ليڪ ٿي، جنهن ۾ سوناڪشي سنها ۽ ظهير اقبال پنهنجي شادي جو اعلان ڪيو آهي.
دعوت جي آڊيو ليڪ ٿيڻ کانپوءِ اداڪارا پونم ڍلوان ڀارتي ميڊيا کي ٻڌايو ته کيس سوناڪشي جي شادي جو هڪ خوبصورت دعوت نامو مليو آهي.
ٻئي طرف بالي ووڊ ريپر يويو هني سنگهه به سوناڪشي جي شادي جي تصديق ڪري ڇڏي آهي…
