- Advertisement -
بلوچستان جي علائقي اوستا محمد ۾ هٿياربندن جي گهر تي حملي ۾ زال ۽ مڙس قتل ٿي ويا جڏهن ته 3 ٻارڙا زخمي ٿي پيا.
اوستا محمد جي علائقي گندا واھھ ۾ هٿياربندن پراڻي دشمنيءَ تان گهر تي حملو ڪري ننڊ ستل خاندان مٿان فائرنگ ڪري ڏني.
فائرنگ جي نتيجي ۾ عبدالڪريم لاشاري ۽ سندس گهر واري شاهره قتل ٿي ويا جڏهن ته 3 ٻارڙا 12 سالن جو سلمان، 10 سالن جو فرمان ۽ لاشار خان زخمي ٿي پيا.
اطلاع ملڻ بعد پوليس واقعي واري ھنڌ پھچي زال مڙس جا لاش ۽ زخمين کي کڻائي گندواهه اسپتال منتقل ڪيو، جتان پوسٽ مارٽم ڪرائڻ بعد مڙھھ وارثن حوالي ڪيا ويا.
پوليس ذريعن جو چوڻ آهي ته گهر تي حملو پراڻي دشمني جو نتيجو آهي وڌيڪ جاچ ڪئي پئي وڃي.- Advertisement -
