بنگلاديش پهريون ڀيرو پاڪستان کي ٽيسٽ ميچ ۾ شڪست ڏئي نئين تاريخ لکي ڇڏي

بنگلاديش پهريون ڀيرو پاڪستان کي ٽيسٽ ميچ ۾ شڪست ڏئي نئين تاريخ لکي ڇڏي، راولپنڊي ٽيسٽ ۾ بنگلاديش، پاڪستان کي ڏهن وڪيٽن تان هارائي ٻن ٽيسٽ ميچن جي سيريز ۾ ٻڙي جي ڀيٽ ۾ هڪ ميچ جي سرسي حاصل ڪري ورتي. راولپنڊي ۾ کيڏيل ٽيسٽ ميچ ۾ پاڪستان پهرين اننگز ڇهن وڪيٽن جي نقصان 448 رنسون ٺاهي ڊڪليئر ڪئي هئي، جڏهن ته بنگلاديش جي ٽيم پهرين اننگلز ۾ 565 رنسون ٺاهي آل آئوٽ ٿي وئي هئي. پاڪستاني ٽيم ٻي اننگز ۾ رڳو 146 رنسون ٺاهي سگهي ۽ بنگلاديش کي ميچ کٽڻ لاءِ رڳو 30 رنسن جو حدف ڏنو. پاڪستان طرفان ٻي اننگز ۾ محمد رضوان 51 نمايان رهيو. بنگلاديش جي ٽيم 30 رنسن جو حدف بنا ڪنهن نقصان جي حاصل ڪري پهريون ڀيرو پاڪستان کي ٽيسٽ ميچ ۾ شڪست ڏئي نئين تاريخ لکي ڇڏي. مشفق الرحيم کي ميچ آف دي ميچ قرار ڏنو ويو. ٻن ٽيسٽ ميچن جي سيريز ۾ ٻڙي جي ڀيٽ ۾ هڪ ميچ جي سرسي حاصل ڪري ورتي. پاڪستان ۽ بنگلاديش ۾ ٻي ٽيسٽ ميچ 30 آگسٽ کان شروع ٿيندي.