بهرام: ڳوٺ فقير محمد کوسو ۾ ڪتي کي پٿر هڻڻ جي ڳالهه تان جهيڙو، 5 عورتن سميت 11 ڄڻا رتورت

بهرام ويجهو ڪتي کي پٿر هڻڻ جي ڳالهه تان کوسا برادري جي ٻن ڌرين وچ ۾ جهيڙو ٿي پيو، نتيجي ۾ 5 عورتن سميت 11 ڄڻا زخمي ٿي پيا. ڳوٺ فقير محمد کوسو ۾ڪتي کي پٿر هڻڻ جي ڳالهه تان ٻن ڌرين جهيڙو ٿي پيو. جهيڙي دوران لٺيون ۽ ڪهاڙيون لڳڻ سبب چئن عورتن سميت 11 ڄڻا زخمي ٿي پيا. اطلاع تي پوليس واقعي واري هنڌ پهچي زخمين کي کڻائي اسپتال منتقل ڪيو، جتي کين طبي امداد ڏني وئي. زخمي غلام رسول کوسي جو چوڻ هو ته پنهنجو بچاءُ ڪندي ڪتي کي پٿر هنيو ته ڪهاڙين سان حملو ڪري عورت سميت 4 ڄڻن کي زخمي ڪيو ويو. ٻي ڌر جي زخمي طارق کوسو جو چوڻ هو ته غلام رسول ڪتي کي پٿر هنيو جيڪو مينهن کي لڳو والد صاحب سمجهايو ته هنن ڪهاڙين سان حملو ڪري 4 عورتن سميت 7 ماڻهن کي زخمي ڪري ڇڏيو.