- Advertisement -
تحريڪ انصاف جي احتجاج دوران ڏڦيڙ کي منهن ڏيڻ لاءِ اسلام آباد ۾ فوج طلب ڪئي وئي آهي، پاڪ فوج جي جوانن ڊي چوڪ جو ڪنٽرول سنڀالي ورتو آهي.
گهرو وزارت اسلام آباد ۾ فوج طلبي جو نوٽيفڪشن جاري ڪري ڇڏيو، جنهن موجب آرٽيڪل 245 تحت فوج کي گهرايو ويو آهي ۽ اهو واضح ڪيو ويو آهي ته قانون ٽوڙيندڙن کي لوهي هٿن سان منهن ڏنو ويندو.
نوٽيفڪيشن موجب فوج کي ڪنهن به علائقي ۾ امن امان جي صورتحال برقرار رکڻ لاءِ ڪرفيو لڳائڻ جا اختيار ڏنا ويا.
شاهراهه دستور تي پارليامينٽ هائوس سميت سمورين عمارتن تي فوج مقرر آهي، جڏهن ته فوج ڊي چوڪ جو ڪنٽرول به سنڀالي ورتو آهي.
ذريعن موجب سڪيورٽي ادارن کي ڏڦيڙ پکيڙيندڙن کي گولي هڻڻ جو حڪم ڏنو ويو آهي- Advertisement -
