- Advertisement -
تحريڪ انصاف سنڌوءَ درياهه مان ڪئنال ڪڍڻ واري معاملي تي قومي اسيمبليءَ ۾ ٺهراءُ جمع ڪرائي ڇڏيو، پ پ، ايم ڪيو ايم ۽ جي ڊي اي کان حمايت وٺڻ جو اعلان ڪيو ويو آهي.
تحريڪ انصاف جي پارلياماني ليڊر زرتاج گل پاران ٺهراءُ جمع ڪرايو ويو، ٺهراءَ تي تحريڪ انصاف جي ٻن ميمبرن پاران به صحيحون ڪيون ويون.
ٺهراءَ جي متن موجب ڪئنالن واري معاملي جي حل لاءِ فوري طور سي سي آءِ اجلاس گهرائڻ سميت ڪئنالن جي اڏاوت بابت سنڌ جا خدشا ختم ڪرڻ جو مطالبو ڪيو ويو.
ٺهراءُ ۾ چولستان ڪئنال منصوبي تي گڏيل مفادن واري ڪائونسل جي منظوري تائين ڪم روڪڻ ۽ ارسا طرفان پاڻي جي دستيابي بابت سرٽيفڪيٽ جي اڻڌري آڊٽ ڪرائڻ سميت 91ع واري پاڻي ورڇ جي معاهدي تي مڪمل عمل تائين منصوبي کي روڪڻ جو به مطالبو ڪيو ويو.- Advertisement -
