ترڪيه غزه ۾ جنگ بندي نه ٿيڻ سبب اسرائيل سان سمورا واپاري لاڳاپا ختم ڪري ڇڏيا

ترڪيه غزه ۾ جنگ بندي نه ٿيڻ سبب اسرائيل سان سمورا واپاري لاڳاپا ختم ڪري ڇڏيا آهن. آمريڪي ميڊيا آئوٽ بلومبرگ موجب ترڪيه ذريعن جو چوڻ آهي ته ترڪيه حڪومت اسرائيل کان هر قسم جي درآمد ۽ برآمد تي پابندي لڳائي ڇڏي آهي جڏهن ته سرڪاري سطح تي انجو اڃا تائين ڪو باضابطا اعلان ناهي ڪيو ويو. ٻئي طرف اسرائيلي پرڏيهي وزير اسرائيل ڪيٽز جو چوڻ آهي ته ترڪ صدر اردگان سمورا معاهدا ٽوڙي رهيو آهي. سوشل ميڊيا ويب سائيٽ تي اسرائيلي پرڏيهي وزير لکيو ته هي هڪ آمراڻو رويو آهي جيڪو عالمي واپاري معاهدن کي نظرانداز ڪري ترڪ عوام ۽ واپاري برادري جي مفادن کي نقصان پهچائي آهي.