تعليم واري نگران صوبائي وزير رعنا حسين سنڌ ٽيڪسٽ بڪ بورڊ ڄامشورو جو اوچتو دورو ڪيو، جنهن دوران هن بورڊ جي مختلف شعبن جو معاملو ۽ مسئلن بابت آگاهي ورتي.
ان موقعي تي ڳالهائينيد تعليم واري نگران وزير چيو ته دوري جو مقصد ڪتابن جي کوٽ واري معاملي تي اڳڀرائي ۽ ڪوششن بابت آگاهي وٺڻ هو.
هن چيو ته ڪتابن جي کوٽ ختم ڪرڻ لاءِ ڪم ٿي رهيو آهي، شاگردن جي داخلا کي نظر ۾ رکڻ سان درست ڊيٽا جي بنيادن تي ڪتابن جي ڇپائي ۽ کوٽ جهڙا مسئلا حل ڪرڻ ۾ مدد ملندي.
رعنا حسين چيو ته صوبائي حڪومت طرفان سنڌ ٽيڪسٽ بڪ بورڊ ۾ ڪتابن جي کوٽ واري معاملي جي حل لاءِ فوري قدم کنيا ويندا، بورڊ جي مالي مسئلن بابت به نگران وڏي وزير کي آگاهه ڪيو ويندو.
