عوامي مسلم ليگ جي سربراهه ۽ اڳوڻي گهرو وزير شيخ رشيد چيو آهي ته جيلن ۾ موجود بيگناهه ماڻهن کي عام معافي ڏيارڻ سندس مشن آهي.
سماجي رابطن واري ويب سائيٽ ٽوئٽر تي پنهنجي پيغام ۾ شيخ رشيد لکيو ته هو پوري قوم جو ٿورائتو آهي جن جي دعائن سان کيس چِلي جي آزادي ملي، خبر ناهي هُن چِلو ڪٿي ڪاٽيو پر ان دوران کيس ڪا تڪليف نه پهچائي وئي.
هن چيو ته اڄ هو پهريون ڀيرو اپيل ڪري رهيو آهي ته 9 مئي تي جن کان غلطي ٿي انهن کي عام معافي ڏني وڃي، هو سڀاڻي کان ان مشن جي شروعات ڪندو.
شيخ رشيد چيو ته قوم جي دعائن جي ضرورت آهي، انشاالله ڪاميابي سندن مقدر بڻجندي ۽ الله کين مائرن، ڀينرن جي دعائن جي صدقي ان مشن ۾ ضرور ڪامياب ڪندو…..
