جيڪب آباد ويجهو پاڪستان ۾ مقرر آمريڪي سفير ڊونلڊ بلوم طرفان اسڪول جو افتتاح ڪيو ويو.
ڳوٺ آدم خان پنهور ۾ڊونلڊ بلوم طرفان آمريڪي سهڪار سان تيار ڪيل اسڪول جو افتتاح ڪيو ويو.
افتتاحي تقريب ۾ تعليم کاتي جي عملدارن سميت شاگردن ۽ شهرين وڏي انگ ۾ شرڪت ڪئي.
آمريڪي سفير ڊونلڊ بلوم ۽ سيڪريٽري تعليم شيرين ناريجو کي سنڌ جي سوکڙي اجرڪ پارايو ويو ۽ اسڪولي ٻارڙن گلدستو پيش ڪري سندن آڌر ڀاءَ ڪيو.
ان موقعي تي ڊونلڊ بلوم جو چوڻ آهي ته توهان سان گڏ هجڻ تي کيس خوشي محسوس ٿي رهي آهي.
سندس چوڻ هو ته آمريڪي سهڪار سان سنڌ ۾ 106 اسڪول تعمير ٿي رهيا آهن.
آمريڪي سفير جي جيڪب آباد آمد جي موقعي تي سيڪيورٽي جا انتظام انتهائي سخت ڪيا ويا.
