حيدرآباد: پاڻي جي لائن تان قبضا ختم ڪرائڻ جو حڪم

حيدرآباد جي قاسم آباد ۽ حسين آباد وارن علائقن جي پاڻي واري مين سپلاءِ مٿان قبضا ختم ڪرڻ جو حڪم ڏنو ويو آهي.

عوامي شڪايتن تي ايم ڊي واسا، اسسٽنٽ ڪمشنر کي پاڻي جي پائيپ لائين مٿان مينهن جا واڙا ۽ آبادين کي ھٽائڻ لاءِ خط لکي ڇڏيو.

گهڻي عرصي کان درياهه جي بچاءَ بند وٽ با اثر ماڻهن مال جا واڙا ۽ عمارتون ٺاهي ڇڏيون هيون.

علائقي جي رهواسين ۽ واسا جي عملي پاران شڪايتون ڪيون ويون جنهن جو ايم ڊي واسا نوٽيس وٺي ڇڏيو.

قاسم آباد ۽  لطيف آباد جي بچاءَ بندن تي انتظامي لاپرواهي سبب قبضن جو سلسلو جاري آهي.