سنڌ هاءِ ڪورٽ سرڪٽ بينچ حيدرآباد ڪارونجهر جبل جون سموريون ليزون 12 ڪلاڪن ۾ رد ڪري قبضا ختم ڪرائي رپورٽ پيش ڪرڻ جو حڪم ڏئي ڇڏيو آهي.
سنڌ هاءِ ڪورٽ سرڪٽ بينچ حيدرآباد ۾ ننگر پارڪر جي ثقافتي ماڳ ڪارونجهر جبل جي ڪٽائي ۽ ليزن بابت ٻڌڻي ٿي.
درخواست ڏيندڙ ۽ سندس وڪيل عدالت ۾ پيش ٿيا.
درخواست گذار جي وڪيل عشرت لوهار چيو ته ڪارونجهر جبل تاريخي ۽ مذهبي عبادت گاهه جو مرڪز آهي، تاريخي ماڳ جي ليز ۽ ڪٽائي ڪرڻ خلاف ڪيس داخل ٿيڻ گهرجي.
عدالت سنڌحڪومت جي وڪيل کان پڇاڻو ڪيو ته ڇا توهان لکت ۾ ڪارونجهر جبل جي ليز ڪينسل ڪئي آهي، جنهن تي وڪيل جواب ڏنو ته صرف پبلڪ نوٽيس ڪڍيو ويو آهي.
عدالت ڪارونجهر جبل جون سموريون ليزون 12 ڪلاڪن ۾ رد ڪرڻ جو حڪم ڏئي ڇڏيو.
عدالت ريمارڪس ڏيندي چيو ته ڪارونجهر جبل جي ننڍڙي پٿر کان 2 ڪلوميٽر پري تائين ڪوبه جبل ڪٽيندڙ ماڻهو يا ڪمپني نظر نه اچي.
عدالت ڪارونجهر جبل تان قبضا ختم ڪرائي سڀاڻي تائين رپورٽ پيش ڪرڻ جو حڪم ڏئي ڇڏيو..
