حيدرآباد ۾ گيس سلينڊر  ڌماڪي ۾ زخمين ٿيلن مان 4 نينگرن ڪراچي جي اسپتال ۾ زخمن جي سٽ نه سهندي دم ڏئي ڇڏيو

حيدرآباد ۾ گيس سلينڊر  ڌماڪي ۾ زخمين ٿيلن مان 4 نينگرن ڪراچي جي اسپتال ۾ زخمن جي سٽ نه سهندي دم ڏئي ڇڏيو. سول اسپتال ڪراچي جي انتظاميا موجب، فوت ٿيل نينگرن ۾ 10 ورهين جو آيان، 6 ورهين جو حسنين، 15 ورهين جو بلال ۽ 10 ورهين جو رحيم شامل آهن. اسپتال انتظاميا جو چوڻ آهي ته اسپتال انتظاميا19زخمين کي سول اسپتال ڪراچي جي برنس وارڊ آندو ويو هو جڏهن ته ٻين زخمين جو حيدرآباد ۾ علاج هلندڙ آهي. واضع رهي ته گذريل ڏينهن علائقي پريٽ آباد ۾ گيس سلينڊر  ڌماڪي جي نتيجيءَ ۾ 60 کان مٿي ماڻهو زخمي ٿي پيا هئا. ڌماڪي جي اطلاع بعد امدادي ٽيمن واقعي واري هنڌ پهچي امدادي ڪارروايون شروع ڪري زخمين کي سول اسپتال منتقل ڪيو.