- Advertisement -
ناڻي واري وزارت، وزيراعظم شهباز شريف جون سفارشون نظرانداز ڪري ڇڏيون، پيٽرول 4 رپيا 74 پيسا ۽ ڊيزل 3 رپيا 86 پيسا في لٽر سستو ڪرڻ جو نوٽيفڪيشن جاري ڪيو ويو.
ناڻي واري وزارت طرفان ايندڙ 15 ڏينهن لاءِ پيٽروليم شين جي نئين قيمتن جو نوٽيفڪيشن جاري ڪيو ويو.
نوٽيفڪيشن موجب پهرين جون کان پيٽرول جي قيمت ۾ 4 رپيا 74 پئسا في لٽر گهٽتائي ڪئي وئي جنهن کانپوءِ پيٽرول جي نئين قيمت 268 رپيا 36 پئسا في لٽر ٿي وئي آهي.
نوٽيفڪيشن موجب ڊيزل جي قيمت ۾ 3 رپيا 86 پئسا في لٽر گهٽتائي کانپوءِ ڊيزل جي نئين قيمت 270 رپيا 22 پئسا في ليٽر مقرر ڪئي وئي آهي.
ناڻي واري وزارت گاسليٽ به هڪ رپيو 87 پئسا في لٽر سستو ڪري ڇڏيو ، جنهن کانپوءِ نئون اگهه 171 رپيا 61 پئسا في لٽر ٿي ويو آهي.
نوٽيفڪيشن موجب لائيٽ ڊيزل آئل 3 رپيا 88 پئسا في ليٽر سستو ٿيڻ کانپوءِ 157 رپيا 29 پئسا في لٽر ٿي ويو آهي.
قيمتن ۾ گهٽتائي باوجود پيٽرول ۽ ڊيزل تي ليوي 60 رپيا في ليٽر برقرار رهندي.
واضح رهي ته ان کان اڳ وزيراعظم آفيس پيٽرول جي قيمت ۾ 15 رپيا 40 پئسا ۽ ڊيزل جي قيمت ۾ 7 رپيا 90 پئسا گهٽتائي جي سفارش ڪئي هئي جڏهن ته ناڻي واري وزارت وزيراعظم آفيس جي هدايتن جي ابتڙ پيٽرول جي 4 رپيا 74 پئسا ۽ ڊيزل 3 رپيا 86 پيسا في ليٽر سستو ڪرڻ جو اعلان ڪيو…..- Advertisement -
