- Advertisement -
ڀارت جي مختلف شهرن ۾ هيٽ اسٽروڪ جي نتيجي ۾ وڌيڪ 19 ڄڻا فوت ٿي ويا، جڏهن ته معمول جي زندگي مفلوج ٿي وئي آهي.
مهاراشٽر کانسواءِ ڀارت جي اوڀرين رياستن بهار، جهار کنڊ ۽ اڙيسا ۾ به گرمي ديرو ڄمائي ڇڏيو آهي.
ٽنهي رياستن ۾ گرمي سبب 18 ڄڻا فوت ٿي ويا جڏهن ته ڪيترن ئي ماڻهن جي حالت نازڪ آهي.
ڀارتي راڄڌاني نئين دهلي ۾ گرمي جي نتيجي ۾ هڪ ڄڻو اسپتال ۾ فوت ٿي ويو.
ڀارت جي اوڀرين رياستن ۾ گرمي جي لهر ٻن ڏينهن تائين جاري رهڻ جو امڪان آهي.
موسميات کاتي گرمي پد 45 ڊگري سينٽي گريڊ ٿيڻ تي هيٽ ويو جو اعلان ڪيو.
نئين دهلي ۾ گرمي پد پکين ۽ جنگلي جيوت جي بيهوش ٿيڻ يا وري بيمار ٿيڻ جو سبب بڻجي رهيو آهي.
اڙيسا حڪومت پنهنجي ملازمن لاءِ صبح يارهين وڳي کان صبح ٽئين وڳي تائين ٻاهرين سرگرمين تي پابندي لڳائي ڇڏي- Advertisement -
