خانپور ويجهو مڙس گھرو اڻبڻت تان گھٽا ڏئي زال کي قتل ڪرڻ کانپوءِ فرار ٿي ويو.
رحيم آباد ٿاڻي جي حد ڳوٺ نبي بخش ڪلهوڙو ۾ جوابدار مڙس نظام الدين پهوڙ گھٽا ڏئي پنهنجي زال مسمات نظيران کي قتل ڪري ڇڏيو.
اطلاع تي حد جي پوليس پهچي لاش تحويل ۾ وٺي پوسٽ مارٽم لاءِ خانپور اسپتال منتقل ڪيو.
رحيم آباد پوليس رابطو ڪرڻ تي ٻڌايو ته جوابدار مڙس گھرو اڻبڻت تان پنهنجي زال کي بيدردي سان قتل ڪيو آهي، وڌيڪ جاچ ڪئي پئي وڃي.
