- Advertisement -
خيبرپختونخواهه ۾ سڪيورٽي فورسز جي ٻن ڌار ڌار ڪاررواين ۾ 5 خارجي مارجي ويا.
آءِ ايس پي آر پاران جاري ڪيل بيان موجب سڪيورٽي فورسز 7 ۽ 8 مئي تي ڳجهي اطلاع تي ٽانڪ ۽ ڊيرا اسماعيل خان ۾ ڪارروايون ڪيون.
آءِ ايس پي آر موجب سڪيورٽي فورسز جي ٽانڪ ضلعي ۾ ڪارروائي دوران 4 دهشتگرد مارجي ويا جڏهن ته ڊيرا اسماعيل خان ۾ ٻي ڪارروائي دوران هڪ خارجي مارجي ويو.
آءِ ايس پي آر جو چوڻ آهي ته مارجي ويل دهشتگردن وٽان هٿيار ۽ گولا بارود هٿ ڪيو ويو، مارجي ويل دهشتگرد ڪيترن ئي دهشتگرد ڪاررواين ۾ سرگرم رهيا هئا.
آءِ ايس پي آر جو چوڻ آهي ته علائقي ۾ دهشتگردن جي خاتمي لاءِ ڪليئرنس آپريشن جاري آهي، سڪيورٽي فورسز ۽ قانون لاڳو ڪندڙ ادارا قومي ايڪشن پلان جي وفاقي ايپڪس ڪميٽي مان منظور ٿيل ويزن عزم استحڪام تحت دهشتگردي خلاف ڪارروايون جاري رکندا……..- Advertisement -
