- Advertisement -
عالمي مالياتي اداري پاڪستان لاءِ هڪ ڏهائي 2 ارب ڊالر قرض جي منظوري ڏئي ڇڏي آهي.
ناڻي واري وزات موجب آءِ ايم ايف جي ايگزيڪيوٽو بورڊ پاڪستان لاءِ هڪ ڏهائي 2 ارب ڊالر قرض قسط جي منظوري ڏئي ڇڏي.
ناڻي واري وزارت جو چوڻ آهي ته قرض جي رقم اي ايف ايف ۽ آر ايس ايف پروگرام تحت پاڪستان کي فراهم ڪئي ويندي.
ناڻي واري وزارت موجب منظوري کان پوءِ، پاڪستان کي ايڪسٽينڊڊ فنڊ فيسليٽي پروگرام تحت اضافي 1 ارب ڊالر ۽ ريزيلينس اينڊ سسٽينيبلٽي فيسليٽي تحت 210 ملين ڊالر ملندا.
پاڪستان ۽ آءِ ايم ايف 27 مارچ تي اسٽاف ليول معاهدو ڪيو هو، جنهن تحت پاڪستان مالي نظم و ضبط، ٽيڪس سڌارن ۽ ٻين معاشي حالتن تي عمل مڪمل ڪيو هو.
ايگزيڪيوٽو بورڊ ساڳي معاهدي جي روشني ۾ قرض جي قسط جي قطعي منظوري ڏني.
ناڻي واري وزير محمد اورنگزيب چيو هو ته پاڪستان سڀ شروعاتي مرحلا مڪمل ڪري ورتا آهن ۽ اسٽاف ليول معاهدو ڪاميابي سان مڪمل ٿيڻ کان پوءِ قرض جي منظوري جو رستو سڌو ٿي ويو آهي- Advertisement -
