راڻيپور ۾ يونائيٽيڊ لائيرس اينڊ سول سوسائٽي فورم سنڌ، شيعا علماءَ ڪائونسل ۽ وائيس آف راڻيپور پاران پريا ڪماري ۽ ٻين مغوين جي بازيابي لاءِ احتجاجي ريلي ڪڍي وئي.
ريلي ۾ سياسي سماجي اڳواڻن سول سوسائٽي ۽ اقليتي برادري جي ماڻھن وڏي انگ ۾ شرڪت ڪئي.
ريلي کي خطاب ڪندي ڊاڪٽر نظير کوکر، غلام حسين ملاح، علامه محسن نقوي ۽ ٻين اڳواڻن چيو ته ڪشمور، ڪنڌڪوٽ ۽ ٻين شھرن مان اغوا ٿيل سمورن ماڻھن کي بازياب ڪيو وڃي.
اڳواڻن جو چوڻ هو ته معصوم نينگري پريا ڪماري کي اغوا ٿئي 2سال گذري ويا آهن پر سندس ڪو به ڏس پتو نه پئجي سگهيو آهي. ھنن چيو ته مغوين جي گھرن ۾ ماتم برپا آھي، پريا ڪماري ۽ ٻين مغوين بازياب ڪرائي سنڌ جو امن امان بحال ڪيو وڃي
