رتو ديرو پوليس مقابلي دوران هڪ ڏوهاريءَ کي زخمي حالت ۾ گرفتار ڪري سندس قبضي مان پسٽل هٿ ڪرڻ جي دعوى ڪئي آهي.
پوليس موجب، گھوٽيا لاڙي وٽ ڦر جي ارادي سان بيٺل 4 ڏوهارين سان مقابلو ٿي پيو، فائرنگ جي ڏي وٺ بعد هڪ کي زخمي حالت ۾ گرفتار ڪيو ويو جڏهن ته ٽي ڄڻا اونڌاهيءَ جو فائدو وٺي فرار ٿي ويا.
پوليس موجب، زخمي حالت ۾ گرفتار جوابدار جي سڃاڻپ لاڙڪاڻي جي ممتاز ڪالوني واسي نظير پٽ رانجهن مگسي طور ٿي آهي جنهن کي طبي امداد لاءِ لاڙڪاڻي اسپتال منتقل ڪيو ويو.
پوليس موجب، زخمي حالت ۾ گرفتار جوابدار جي قبضي مان پسٽل ۽ گوليون هٿ ڪيو ويون آهن جڏهن ته سندس ڪرمنل رڪارڊ چيڪ ڪيو پيو وڃي.
