روس يوڪرين معاهدي جي ڪا به ڊيڊلائين ناهي: امريڪي صدر ڊونلڊ ٽرمپ

امريڪي صدر ڊونلڊ ٽرمپ چيو آهي ته روس يوڪرين معاهدي جي ڪا به ڊيڊلائين ناهي، وٽڪوف ايندڙ هفتي ماسڪو ۾ روسي صدر سان ملاقات ڪندو، ڊيل جو فائدو ٻنهي ملڪن کي ٿيندو. ايئرفورس رن وي تي ميڊيا سان ڳالهايئندي صدر ٽرمپ چيو ته شروعاتي 28 نڪتن تي منصوبو صرف هڪ نقشو هو، يوڪرين خوش آهي، معاملي ۾ اڳڀرائي ٿي هي آهي. سندس چوڻ هو ته يورپ سڪيورٽي گارنٽي ۾ پوري طرح شامل هوندو، روس-يوڪرين ڊيل جو فائدو ٻنهي ملڪن کي ٿيندو. ان کان اڳ وائٽ هائوس ۾ ٿينڪس گِيونگ تقريب کي خطاب ڪندي امريڪي صدر چيو ته سندس انتظاميا روس ۽ يوڪرين وچ ۾ جاري جنگ کي ختم ڪرڻ لاءِ هڪ معاهدي جي ويجهو پهچي وئي آهي. امريڪي صدر موجب چيو ته روس يوڪرين جنگ ۾ هزارين فوجي مارجي ويا آهن پر جنگ جي خاتمي لاءِ پيش ڪيل امن معاهدي تي غير معمولي اڳڀرائي ٿي آهي. ڊونلڊ ٽرمپ جو چوڻ هو ته 9 مهينن ۾ 8 جنگيون روڪرائي چڪو آهي ۽ هاڻي هڪ وڌيڪ جنگ روڪرائڻ تي ڪم ڪري رهيو آهي. صدر ٽرمپ چيو ته هن پنهنجي خاص نمائندي اسٽيووٽڪوف کي ماسڪو ۾ روسي صدر ولاديمير پيوٽن سان ملاقات جي هدايت ڪئي آهي، معاهدي جي حوالي سان صرف ڪجهه نڪتا رهجي ويا آهن. امريڪي صدر جو وڌيڪ چوڻ هو ته هڪ سال پهريان امريڪا مرده ملڪ هو، هنن 9مهينن ۾ 18 ٽريلين ڊالر حاصل ڪيا ۽ امريڪا کي محفوظ ملڪ بڻايو……….