- Advertisement -
وارهه پوليس ٻن ماڻهن کي ٽڪر هڻي ماريندڙ ڪار ڊرائيور کي گاڏيءَ سميت حراست ۾ وٺي ڇڏيو.
ورند ماڇي لاڙي وٽ رات جي اونداهي ۾ ٽڪر هڻي ٻن ماڻهن کي ماريندڙ ڪار ڊائيور سراج گاڏهي کي پوليس ڪار سميت حراست ۾ وٺي ڇڏيو آهي.
ٻه ڏينهن اڳ رات جو دير سان لاڙڪاڻي کان وارهه سبزي کڻي ايندڙ ڊاٽسن ڊرائيور سڌير ٻرڙو ۽ سبزي جو واپاري اشرف سولنگي سبزي لاهي رهيا هئا ته ڪار سوار کين ٽڪر هڻي فرار ٿي ويو هو.
وارثن طرفان جوابدر جي گرفتاري لاءِ ڌرڻو هنيو ويو هو، پوليس 12 ڪلاڪن اندر جوابدار جي گرفتاري جي خاطري ڪرائي ڌرڻو ختم ڪرايو هو.
رابطو ڪرڻ تي پوليس ٻڌايو تہ گرڊ اسٽيشن تي محفل موسيقي جو پروگرام هيو جنهن پروگرام تان واپس ايندي ڪار سوار رات جو دير سان اشرف سولنگي ۽ سڌير ٻرڙو کي ڪار جو ٽڪر هڻي ماري فرار ٿي ويا هئا.
سندس چوڻ هو ته اهڙي واقعي بابت جاچ ڪري سراج گاڏھي کي گرفتار ڪيو ويو آهي جنهن جاچ دوران اعتراف ڪيو آھي ته اهو ڪار جي ڊرائيونگ ڪري رهيو هو، ان کان واقعو پيش آيو آهي.
- Advertisement -
