آفيشل سيڪريٽ ايڪٽ تحت قائم ڪيل خاص عدالت سائفر گم ٿيڻ بابت ڪيس ۾ تحريڪ انصاف جي سينيئر وائيس چيئرمين شاهه محمود قريشيءَ جي جسماني رمانڊ ۾ وڌيڪ ٽن ڏينهن جي واڌ ڪري ڇڏي.
اسلام آباد جي خاص عدالت جي جج ابوالحسنات پي ٽي آجي جي سينيئر وائيس چيئرمين شاهه محمود قريشيءَ خلاف سائفر گم ٿيڻ بابت ڪيس جي بند ڪمري ۾ ٻڌڻي ڪئي.
ٻڌڻي دوران ايف آءِ اي شاهه محمود قريشي کي عدالت ۾ پيش ڪيو.
شاهه محمود قريشي طرفان سينيئر وڪيل شعيب شاهين ۽ ايف آءِ اي جو اسپيشل پراسيڪيوٽر شاهه خاور عدالت ۾ پيش ٿيا.
ايف آءِ اي جي اسپيشل پراسيڪيوٽر شاهه خاور، شاهه محمود قريشي جي وڌيڪ 9 ڏينهن جي جسماني رمانڊ جي درخواست ڪئي.
شاهه محمود قريشي جي وڪيل شعيب شاهين وڌيڪ جسماني رمانڊ جي مخالفت ڪئي.
عدالت ڌرين جا دليل ٻڌڻ بعد فيصلو محفوظ ڪري ورتو جيڪو ڪجهه دير بعد ٻڌائي ڇڏيو.
عدالت تحريڪ انصاف جي سينيئر وائيس چيئرمين شاهه محمود قريشيءَ جي جسماني رمانڊ ۾ وڌيڪ ٽن ڏينهن جي واڌ ڪندي کيس ايف آءِ اي حوالي ڪري ڇڏيو……..
