سائفر ڪيس ۾ پي ٽي آءِ جي وائس چيئرمين شاهه محمود قريشي کي چئن ڏينهن جي جسماني رمانڊ تي ايف آءِ اي حوالي

آفيشل سيڪريٽ ايڪٽ تحت قائم ملڪ جي پهرين اسپيشل عدالت قائم ڪئي وئي آهي، جنهن ۾ شاهه محمود قريشيءَ کي پيش ڪيو ويو.

آفيشل سيڪريٽ ايڪٽ عدالت جي اضافي چارج دهشتگردي توڙ عدالت جي جج جي سونپي وئي آهي، جج ابوالحسنات ڪيس جي ٻڌڻي ڪئي.

اسپيشل عدالت سائفر ڪيس ۾ شاهه محمود قريشيءَ جو چئن ڏينهن جو جسماني رمانڊ منظور ڪري ورتو.

شاهه محمود قريشي جي وڪيلن جسماني رمانڊ جي مخالفت ڪئي.

وڪيل علي بخاري چيو ته مختلف عدالتي فيصلن جا حوالا ڏنا، جڏهن ته ايف آءِ اي  پراسيڪيوٽر خوشنود احمد آفيشل سيڪريٽ ايڪٽ پڙهي ٻڌايو.

ايف آءِ اي طرفان سائفر ڪيس ۾ تيرهن ڏينهن جي جسماني رمانڊ جي درخواست ڪئي، پر عدالت شاهه محمود قريشي کي چئن ڏينهن جي جسماني رمانڊ تي ايف آءِ اي حوالي ڪندي کيس 25 آگسٽ تي ٻيهر پيش ڪرڻ جو حڪم ڏنو.