سرهاڙي ويجهو زمين جي مالڪي جي تڪرار تان ٻن ڌرين وچ ۾ جهيڙي جي نتيجي ۾ هڪ ڄڻو قتل ۽ هڪ زخمي ٿي پيو جڏهن ته مقتول جي وارثن پاران احتجاجي مظاهرو ڪري ڌرڻو هنيو ويو.
کڏهر ٿاڻي جي حد ور اسٽاپ ڀرسا زرداري ۽ انڙ برادري جي ٻن ڌرين ۾ زميني تڪرار تان جهيڙو ٿي پيو.
جهيڙي دوران گوليون لڳڻ سبب محمد صديق زرداري قتل ٿي ويو ۽ اسماعيل انڙ زخمي ٿي پيو.
اطلاع تي پوليس واقعي واري هنڌ پهچي لاش ۽ زخمي کي کڻائي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
مقتول جو لاش گهر پهچائڻ تي گهر ڀاتين ۾ ڪهرام مچي ويو.
قتل ٿيل محمد صديق زرداري جي وارثن پاران سٺ ميل ناڪي وٽ احتجاجي مظاهرو ڪري ڌرڻو هنيو ويو.
ڌرڻي سبب ايندڙ ويندڙ ٽريفڪ معطل ٿي وئي.
