آزاديءَ جي ڏهاڙي جي موقعي تي صدر مملڪت قوم جي نالي خاص پيغام جاري ڪيو آهي.
صدر عارف علوي پنهنجي پيغام ۾ چيو آهي ته سمورن ديس واسين کي آزادي جي 76 هين سالگرهه مبارڪ هجي، هو پاڪستان جي باني ۽ تحريڪ جي ڪارڪنن جي قربانين خراج تحسين پيش ڪري ٿو.
هن چيو ته پاڪستان جي قيام لاءِ اسان کي پنهنجي ابن ڏاڏن جي قربانين جو قدر ڪرڻ گهرجي ۽ عوام جي خوشحالي لاءِ ڪم ڪرڻ گهرجي.
سندس چوڻ هو ته قائداعظم جي قيادت ۾ ننڍي کنڊ جي مسلمانن تاريخي جدوجهد کانپوءِ آزادي حاصل ڪئي آهي.
صدر چيو ته اچو ته جمهوريت، آزادي، معافي ۽ اخلاقي اصولن کي برقرار رکڻ جو عزم ڪرڻ سان گڏ والاريل ڪشمير ۾ ڀارتي ظلمن کي منهن ڏيڻ وارن مظلوم ڀائرن ۽ ڀينرن کي به ياد ڪيون، پاڪستان ڪشميرين جي حق خود اراديت لاءِ سياسي، سفارتي، ۽ اخلاقي حمايت جاري رکندو.
