قانون واري نگران صوبائي وزير عمر سومري جاري ڪيل بيان ۾ چيو ته قانون ۽ سوشل سائنس کاتي جي شاگردن کي انساني حقن، قانون ۽ صورتحال بابت آگاهي ڏيڻ لاءِ انٽرشپ ڏني ويندي.
هن چيو ته انساني حقن وارو کاتو انٽرن شپ تي چونڊيل شاگردن کي هر مهيني 25 هزار رپيا وظيفو ڏيندو، هيءَ انٽرن شپ سالياني آهي.
نگران صوبائي وزير چيو ته ڪراچي، حيدرآباد، ميرپورخاص، لاڙڪاڻي، سکر ۽ شهيد بينظير آباد ڊويزن جي شاگردن کي انٽرن شپ ڏني ويندي.
عمر سومري چيو ته ان سلسلي ۾ سمري نگران وڏي وزير ڏانهن موڪلي ان جي منظوري ورتي ويندي، انٽرن شپ ڏيڻ بعد شاگردن کي انساني حقن بابت پروگرامن ۾ پڻ موڪليو ويندو..
