فريدآباد، جوهي ۽ کيرٿر جي جابلو پٽيءَ ۾ مسلسل برساتن بعد نيون وهي اچڻ سبب ڪيترن ئي ڳوٺن جو شهرن سان زميني رابطو ڪٽجي ويو.
فريد آباد ۽ ڪاڇي واري علائقي کيرٿر جبل تي وقفي وقفي سان برسات سبب نيون وهي اچڻ سبب 30 کان وڌيڪ ڳوٺن جو شهرن سان زخمي رابطو ڪٽجي ويو.
فريد آباد ۽ ڪاڇي واري علائقي کيرٿر جبل تي وقفي وقفي سان برسات جو سلسلو جاري آهي.
وسڪاري بعد نئين دلان ٻوري سگهرو سميت ٻيون نيون وهي آيون، جنهن سبب شاهه گودڙو، گڙتل ۽ ڪاڇي جي 30 ڳوٺن جو فريد آباد، ميهڙ ۽ وارهه سان زميني رابطو ڪٽجي ويو.
ڳوٺن جو شهرن سان زميني رابطو ڪٽجي وڃڻ سبب علائقي واسي سخت ڏکيائين کي منهن ڏيڻ تي مجبور آهن.
جوهي ۽ کيرٿر جي جابلو پٽيءَ ۾ مسلسل برساتن بعد نئه گاج ۾ هڪ ڀيرو ٻيهر 8 فوٽ پاڻي جو وهڪرو داخل ٿي ويو.
نئه گاج ۾ وهڪرن ۾ تيزي سان واڌ اچڻ بعد نين جو پاڻي منڇر ڍنڍ ۾ داخل ٿي رهيو آهي.
