سنڌ جي مختلف شهرن ۾ حادثن جي نتيجي ۾ 3 ڄڻا فوت ٿي ويا آهن.
خيرپور ۾ روڊ حادثي جي نتيجي ۾ نوجوان فوت ٿي ويو آهي.
ڳوٺ ربنواز جوڻيجو ويجهو قومي شاهراهه تي بس ۽ موٽرسائيڪل ۾ ٽڪر ٿي پيو.
حادثي جي نتيجي ۾ موٽرسائيڪل سوار محمد صفر پٽ مير محمد جوڻيجو فوت ٿي ويو.
اطلاع ملڻ بعد پوليس فوتي جو لاش تحويل ۾ وٺي سول اسپتال پهچايو جتان ضروري ڪارروائي بعد مڙهه وارثن حوالي ڪيو ويو.
محمد صفر جوڻيجو جو مڙهه گهر پهچڻ تي ڪهرام مچي ويو.
حادثي بعد ڊرائيور فرار ٿي ويو جڏهن ته پوليس بس کي تحويل ۾ وٺي ڇڏيو.
چوهڙ جمالي ويجهو ڪار کاهي ۾ ڪرڻ سبب ڊرائيور فوت ٿي ويو.
قادر شاهه ڏنو روڊ تي تيز رفتار ڪار ڊرائيور جي ڪنٽرول مان نڪرڻ سبب کاهي م ڪري پئي .
حادثي ۾ 40 ورهين جو غلام مصطفيٰ عرف جمڙو ميمڻ فوت ٿي ويو.
اطلاع ملڻ تي پوليس حادثي واري هنڌ پهچي ڊرائيور جو لاش کڻائي اسپتال پهچايو، جتان ضروري ڪارروائي بعد مڙهه وارثن حوالي ڪيو ويو.
فوتي جو مڙهه گهر پچائڻ تي گهر ڀاتين ۾ ڪهرام مچي ويو.
ٺل ۾ نوجوان گهر ۾ بجلي ٺاهيندي ڪرنٽ لڳڻ سبب فوت ٿي ويو آهي.
تعلقي اسپتال پاڙي ۾ بابل کوسو گهر ۾ بجلي ٺاهي رهيو هو ته ڪرنٽ لڳو.
نوجوان کي بيهوشي واري حالت ۾ اسپتال منتقل ڪيو ويو جتي ڊاڪٽرن سندس فوت ٿيڻ جي تصديق ڪئي.
اسپتال مان ضروري ڪارروائي بعد مڙهه وارثن حوالي ڪيو ويو.
بابل کوسو جو مڙهه گهر پهچڻ تي ڪهرام مچي ويو.
