سنڌ جي مختلف شهرن ۾ نينگري فاطمه ڦرڙو ۽ صحافي جان محمد مهر جي قتل خلاف سياسي سماجي ڌرين ۽ شهرين پاران احتجاجي مظاهرا ڪري ڌرڻا هنيا ويا .
دادو ۾ پ پ شهيد ڀٽو جي ڪارڪنن پاران نينگري فاطمه ڦرڙو جي خون سان انصاف لاءِ شبير سولنگي، مظهر ۽ ٻين جي اڳواڻي ۾ دادو پريس ڪلب آڏو احتجاجي مظاهرو ڪري ڌرڻو هنيو.
خيرپور ناٿن شاهه ۾ ايس ٽي پي پاران فاطمه ڦرڙو ۽ صحافي جان محمد جي خون سان انصاف لاءِ فقير علي حسن جانوري، سڪندر کوکر، عزيز جمالي ۽ ٻين جي اڳواڻي ۾ پريس ڪلب آڏو هٿن ۾ پلي ڪارڊ کڻي احتجاجي مظاهرو ڪيو ويو.
ان موقعي تي اڳواڻن چيو ته سنڌ ۾ امن امان جي صورتحال انتھائي خراب ٿي چڪي آهي، پوليس عام شهرين ۽ صحافين جي جان ۽ مال جي تحفظ ڪرڻ ۾ ناڪام عي وئي آهي.
مظاهرين چيو ته هو صحافي جان محمد مهر جي قتل ۽ راڻيپور واقعي جي سخت لفظن ۾ مذمت ڪن ٿا.
احتجاج ڪندڙن مطالبو ڪيو ته شهيد جان محمد مهر ۽ فاطما ڦرڙو جي قاتلن کي سخت سزا ڏئي عبرت جو نشان بڻايو وڃي ته جيئن ٻيهر اهڙا واقعا نه ٿين.
