خانپور: پلاٽ جي مالڪيءَ تان بروهي برادريءَ جي ٻن ڌرين ۾ جهيڙو، هڪ ڄڻو قتل

خانپور پلاٽ جي مالڪي جي تڪرار تان بروهي برادري جي ٻن ڌرين وچ ۾ جهيڙي دوران لٺيون ۽ سروٽا لڳڻ سبب هڪ ڄڻو قتل ٿي ويو ۽ ڏهن کان وڌيڪ زخمي ٿي پيا.

 نادرا چوڪ تي پلاٽ جي مالڪي تان ٻن  ڌرين م جھيڙو ٿي پيو.

جهيڙي دوران لٺيون ۽ سروٽا لڳڻ سبب محمد اشرف بروھي قتل  ٿي ويو .

جهيڙي ۾  عبدالقدوس، عبداللطيف، زاھد حسين، محمد يونس، عبدالله بروھي، عبدالرحيم، غلام مصطفي بروھي زخمي ٿي پيا.

اطلاع تي پوليس واقعي واري هنڌ پهچي  لاش ۽ زخمين کي کڻائي  خانپور اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.

مقتول جي  ڀاءُ چيو ته عثمان بروھي جي ڌر اسان جي پلاٽ تي دڪان ٺاهي رهيا هئا، منع ڪرڻ تي حملو ڪري منهنجي ڀاءُ کي قتل ڪري ڇڏيو آهي.