تازه ترين

سنڌ جي مختلف شهرن ۾ ڪي اليڪٽرڪ، سيپڪو ۽ حيسڪو پاران بجلي جي چورن ۽ باقيدارن خلاف آپريشن ۽ ڪيس داخل ڪرائڻ جو سلسلو جاري

سنڌ جي مختلف شهرن ۾ ڪي اليڪٽرڪ، سيپڪو ۽ حيسڪو پاران بجلي جي چورن ۽ باقيدارن خلاف آپريشن ۽ ڪيس داخل ڪرائڻ جو سلسلو جاري آهي.

حيدرآباد حيسڪو ريجن ۾ بجلي جي چورن خلاف ڪريڪ ڊائون جاري آهي.

حيسڪو ترجمان موجب، حيسڪو ريجن جي مختلف ضلعن ۾ 26 بجلي چورن کي گرفتار ۽ هڪ کان وڌيڪ ماڻهن خلاف ڪيس داخل ڪرايا ويا آهن جڏهن ته 285 ماڻهن خلاف ايف آءِ آر داخل ڪرائڻ لاءِ ليٽر مختلف ٿاڻن کي جمع ڪرايا ويا آهن، باقيدارن کان 3 ڪروڙ 57 لک رپيا اوڳاڙي به ڪيا ويا آهن.

خيرپور ۽ چونڊڪو جي سيپڪو انتظاميا بجلي چوري جي الزام هيٺ 6 ڄڻن خلاف 2 ڌار ڌار ڪيس داخل ڪرائي ڇڏيا.

لائن سپرينٽينڊنٽ سڪندر علي ٽڳڙ ۽ لائن سپرينٽينڊنٽ شعيب خان علوي جي فرياد تي عابد جانوري، پپي ملڪ، حاجي ڀنڀرو، قادن شر، غلام نبي ۽ عطا محمد ڀنڀرو خلاف بي سيڪشن خيرپور ۽ سوراهه ٿاڻن تي ڪيس داخل ڪيا ويا.

پريالي ۾ ايس ڊي او شاهد شاهه جي فرياد تي بجلي چوري ۽ بل ادا ڪندڙن خلاف ڪيس داخل ڪرايو ويو.

نوشهروفيروز ۾ سيپڪو انتظاميا طرفان مٺياڻي روڊ، پڊعيدن روڊ ۽ ٻين علائقن ۾ 3 سئو کان وڌيڪ غيرقانوني ڪنيڪشن ڪاٽي ٻن ڄڻن خلاف ڪيس داخل ڪرايو ويو جڏهن ته پوليس ٻنهي ڄڻن کي گرفتار ڪري ورتو.

عمرڪوٽ ۾ ايس ڊي او حيسڪو ذوالفقار آرائين جي فرياد تي راهول مالهي، لکاڏنو ۽ شهباز شهزاد خلاف بجلي چوري ۽ بقايا جا 3 ڌار ڌار ڪيس داخل ڪرايا ويا.

ٽنڊي الهيار ۾ حيسڪو انتظاميا طرفان بجلي چورن خلاف ڪارروايون تيز ڪندي ڏهن ڄڻن خلاف ڌار ڌار ڪيس داخل ڪرايا ويا آهن.

سامارو ٿاڻي تي ايس ڊي او عبدالحميد جي فرياد تي اورنگزيب، توفيق قائمخاني ۽ محمد علي قائمخاني تي بجلي چوري جا 3 ڌار ڌار ڪيس داخل ڪرائي ڇڏيا.

جهنڊو مري ۾ حيسڪو انتظاميا طرفان ڳوٺ بچل شاهه ۾ بجلي چوري ڪرڻ جو عمرساند ٿاڻي تي ڪيس داخل ڪرايو ويو.

ڪنڊياري ۾ ايس ڊي او سيپڪو اسد الله ميمڻ ۽ ٻين جي اڳواڻيءَ ۾ سٽي فيڊر ون جي علائقي ۾ ڪارروائي ڪري غيرقانوني ڪنيڪشن ڪاٽي تارون لاهي ساڙيون ويون.

بجلي چوري ۽ بقايا جي الزام هيٺ پنجن ڄڻن کي سوگهو ڪري ٿاڻي منتقل ڪيو ويو………..

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
113,000SubscribersSubscribe
Pakistan
light rain
30.3 ° C
30.3 °
30.3 °
34 %
1.9kmh
100 %
اڱارو
30 °
اربع
32 °
خميس
31 °
جمعو
33 °
ڇنڇر
34 °

تازه ترين خبرون