سنڌ جي پاڻيءَ جو هڪ ڦڙو به هو ڪنهن کي نه ڏيندا، سنڌ نه ڪنهن جو حق کائڻ چاهن ٿا:مراد علي شاهه

وڏي وزير مراد علي شاهه چيو آهي ته سنڌ جي پاڻيءَ جو هڪ ڦڙو به هو ڪنهن کي نه ڏيندا، سنڌ نه ڪنهن جو حق کائڻ چاهن ٿا، نه ئي پنهنجي حق ڪنهن کي ڏنو ويندو، ڇهن ڪينالن مان ڪوبه ڪينال نه پيو ٺهي، پاڻيءَ جو مسئلو سي سي آءِ کانسواءِ حل نه ٿيندو، پ پ جو ڪينالن واري معاملي تي موقف واضح آهي، هو هر فورم تي سنڌ جي حقن جي ڳالهه ڪندا آهن،  قومپرستن پ پ سبب جي يو آءِ جي اي پي سي جو بائيڪاٽ ڪيو، جنهن سان ثابت ٿي ويو ته مسئلو رڳو پ پ سان آهي، پ پ ڪنهن به پارٽيءَ تي پابنديءَ جي مخالف آهي، احتجاج ذريعي ڪنهن به ماڻهوءَ جي آزاديءَ جو مطالبو ئي بنيادي طور غلط آهي، ڪنهن جي به آزادي عدالتن ذريعي ئي ممڪن آهي. ڪراچيءَ ۾ ايس آءِ سي وي ڊي سکر بابت جي انتظام هيٺ بارهين سالياني ڪانفرنس ۾ شرڪت بعد ميڊيا سان ڳالهائيندي وڏي وزير سيد مراد علي شاهه چيو ته پاڻي رڳو سنڌ نه پر سموري ملڪ جو مسئلو آهي، 9 مهينا گذرڻ باوجود سي سي آءِ جو ڪو به اجلاس ناهي ٿيو، وفاق ان بابت ڪو جواب به ناهي ڏنو. هن چيو ته پيپلزپارٽي ڪئنال واري مسئلي تي واضح آهي، پاڻيءَ جو مسئلو سي سي آءِ کانسواءِ حل نه ٿيندو، ڇهن ڪينالن مان ڪوبه ڪينال نه پيو ٺهي. وڏي وزير چيو ته سنڌ جي پاڻيءَ جو هڪ ڦڙو به هو ڪنهن کي نه ڏيندا، سنڌ نه ڪنهن جو حق کائڻ چاهن ٿا، نه ئي پنهنجي حق ڪنهن کي ڏنو ويندو. سيد مراد علي شاهه چيو ته هو هر فورم تي سنڌ جي حقن جي ڳالهه ڪندا آهن،  قومپرستن پ پ سبب جي يو آءِ جي اي پي سي جو بائيڪاٽ ڪيو، جنهن سان ثابت ٿي ويو ته مسئلو رڳو پ پ سان آهي. وڏي وزير چيو ته پي ٽي آءِ اسلام آباد ۾ سرڪس لڳائي، احتجاج ذريعي ڪنهن به ماڻهوءَ جي آزاديءَ جو مطالبو ئي بنيادي طور غلط آهي، ڪنهن جي به آزادي عدالتن ذريعي ئي ممڪن آهي. سيد مراد علي شاهه چيو ته پيپلزپارٽي ڪنهن به سياسي پارٽيءَ تي پابندي جي حمايت نه ڪندي، گورنر راڄ لڳائڻ ڏکيو ٿي ويو آهي.