سنڌ حڪومت طرفان استعمال ٿيل گاڏين جي ٽرانسفر تي فزيڪل فٽنس چيڪنگ ختم ڪرڻ جو فيصلو ڪيو ويو آهي.
سنڌ جي سينيئر صوبائي وزير شرجيل انعام ميمڻ جي صدارت ۾ اجلاس ٿيو.
اجلاس ۾ سيڪريٽري ايڪسائيز، ڊي جي ايڪسائيز، آٽو موٽو ٽريڊرز ۽ امپورٽرز ايسوسيئيشن جي نمائندن شرڪت ڪئي.
صوبائي وزير شرجيل انعام ميمڻ جو چوڻ هو ته گاڏين جي ٽرانسفر تي ڪاغذي ڪارروائي به جلد ختم ڪئي ويندي.
سندس چوڻ هو ته سمورن اسٽيڪ هولڊرز کي اعتماد ۾ وٺي واپارين جا مسئلا ترجيحي بنيادن تي حل ڪيا ويندا.
صوبائي وزير چيو ته، سنڌ حڪومت هميشه واپارين جي مسئلن کي ترجيحي بنيادن تي حل ڪيو آهي.
شرجيل انعام ميمڻ جو چوڻ هو ته ريڊ لائن بي آر ٽي سبب واپارين کي ڪابه ڏکيائي پيش نه ايندي.
