- Advertisement -
سنڌ هاءِ ڪورٽ جوڊيشل ڪميشن پاران آئيني بينچ قائم ڪرڻ کان پوءِ آئيني درخواستن جي ٻڌڻي کان معذرت ڪري ڇڏي.
سنڌ هاءِ ڪورٽ ۾ ايس بي سي اي جي معاملي تي ٻڌڻي جي درخواست ڪئي وئي هئي.
ٻڌڻي دوران درخواستگذار جي وڪيل چيو ته سندس ڪيس آرٽيڪل ٽو 199 تحت اچي ٿو.
ٻڌڻي دوران جسٽس صلاح الدين چيو ته آئيني بئنچ صوبائي يا وفاقي حڪومت کي ڪارروائي کان روڪڻ بابت درخواستن جي ٻڌڻي ڪندي.
جسٽس صلاح الدين چيو ته توهان جسٽس ڪي ڪي آغا کان اجازت وٺو، اسان مشروط اجازت ڏئي رهيا آهيون، پهرين عدالتي آفيس فيصلو ڪندي ته ان کي ريگيولر بينچ يا آئيني بينچ ٻڌندي.
عدالت نيب جي نوٽيسز، اڪائونٽس بند ڪرڻ، تحفظ ڏيڻ، سيڪيورٽي فراهم ڪرڻ ۽ ٻين ڪيسن جي ٻڌڻي کان به معذرت ڪري ڇڏي.
عدالت درخواستن جي ٻڌڻي اڻڄاتل مدي تائين ملتوي ڪندي، ايف آءِ آر ڪالعدم قرار ڏيڻ بابت درخواست تبديل ڪري بينچ آڏو پيش ڪرڻ جو حڪم ڏئي ڇڏيو.- Advertisement -
