سنڌ هاءِ ڪورٽ سرڪٽ بئنچ حيدرآباد  ڪارونجھر جي ڪٽائي روڪڻ ۽ ليز  بابت اسٽي برقرار

سنڌ هاءِ ڪورٽ سرڪٽ بئنچ حيدرآباد  ڪارونجھر جي ڪٽائي روڪڻ ۽ ليز  بابت اسٽي   30 آگسٽ تائين برقرار رکي ڇڏيو.

وڪيل شنڪر ميگھواڙ جي درخواست تي جسٽس شفيع صديقي ۽ جسٽس ارشد حسين خان تي ٻڌل ڊويزنل بئنچ ٻڌڻي ڪئي.

ثقافت، منرل اينڊ مائنز ۽ وائلڊ لائف کاتي جي عملدارن عدالت ۾  جواب جمع ڪرايو.

عدالت لاڳاپيل عملدارن کان پڇاڻو ڪيو ته ڪارونجھر ايڏو خوبصورت جبل آھي، ان جي ڪٽائي لاءِ اوھان نوٽيفڪيشن ڇو ڪڍيو آھي؟

سرڪاري وڪيل جواب ۾ چيو ته نوٽيفڪيشن واپس ورتو ويو آهي.

عدالت چيو ته مستقل طور تي ڪارونجهر جي ڪٽائي بند ٿئي ۽ ھيريٽيج ۾ ڊڪليئر ٿيڻ گھرجي.

ثقافت کاتي جي وڪيل عدالت کي ٻڌايو ته ننگرپارڪر جون 9 سائيڊون ھيريٽيج طور ڊڪليئر ڪري چڪا آھين.

عدالت ڪارونجھر جي ڪٽائي بابت جاري ڪيل اسٽي برقرار رکندي ٻڌڻي 30 آگسٽ تائين ملتوي ڪري ڇڏي