سنڌ وومين لائيرز الائس، فاطمه ڦروڙ ڪيس جي جاچ لاءِ عدالتي ڪميشن قائم ڪرڻ، جوابدارن کي خاص سهولتون نه ڏيڻ، فاطمه جي والدين ۽ شاهدن کي تحفظ ڏيڻ، گمس جو نالو فاطمه ڦرڙو رکڻ ۽ سندس ڳوٺ ۾ جي پرائمري اسڪول کي فاطمه جي نالي سان منسوب ڪرڻ جو مطالبو ڪيو آهي.
سنڌ وومين لائرز الائس پاران فاطمه ڦرڙو ڪيس ۽ پاڪستان ۾ ٻارن جي تحفظ بابت پروگرام ڪرايو ويو، جنهن ۾ انيس هاروق، نزهت شيرين، رياض سهيل، فهميده رياض، ڊاڪٽر عائشه ڌاريجو، سنڌ وومين الائنس جي صدر شازيا نظاماڻي، نائب صدر روبينا چانڊيو، جسٽس رٽائرڊ اسلم شيخ ۽ ٻين شرڪت ڪئي.
مقررن جو چوڻ هو ته آرٽيڪل 25 اي چوي ٿو ته رياست پنجن کان سورهن ورهين جي عمر جي سمورن ٻارن کي مفت ۽ لازمي تعليم فراهم ڪري، جڏهن ته آرٽيڪل 11 غلام ۽ جبري پورهئي کان روڪي ٿو ۽ آرٽيڪل 32 ٻارن جي حفاظت بابت آهي.
ڊائلاگ پروگرام دوران مطالبو ڪيو ويو ته فاطمه ڦروڙ ڪيس جي جاچ لاءِ عدالتي ڪميشن قائم ڪري ڪيس تڪڙو اڪلايو وڃي، ڪيس جي جوابدار کي خاص سهولت ڏيڻ کان پاسو ڪري گمس جو نالو فاطمه ڦرڙو رکي سندس ڳوٺ جي پرائمري اسڪول کي سندس نالي سان منسوب ڪيو وڃي.
