” سياسي پارٽي کي عام چونڊن ۾ اميدوار بيهارڻ کان روڪي نه ٿو سگهجي“ مخصوص سيٽن بابت ڪيس جو تفصيلي فيصلو جاري

“ سياسي پارٽي کي عام چونڊن ۾ اميدوار بيهارڻ کان روڪي نه ٿو سگهجي” سپريم ڪورٽ مخصوص سيٽن بابت ڪيس جو تفصيلي فيصلو جاري ڪري ڇڏيو، پشاور هائيڪورٽ ۽ اليڪشن ڪميشن جا مخصوص سيٽن بابت فيصلا ڪالعدم قرار، تفصيلي فيصلي ۾ چيو ويو آهي ته اليڪشن ڪميشن جي پهرين مارچ جي فيصلي جي ڪابه قانوني حيثيت ناهي، اليڪشن ڪميشن جو فيصلو آئين سان ٽڪراءَ ۾  آهي، تحريڪ انصاف هڪ سياسي پارٽي آهي، چونڊ تڪرار بنيادي طور ٻين سول تڪرارن کان مختلف هوندو آهي، چونڊ نشان نه هئڻ چونڊ وڙهڻ بابت سياسي پارٽي جي حق کي متاثر نه ٿو ڪري سگهي، آئين ۽ قانون سياسي پارٽي کي عام چونڊن ۾ اميدوار بيهارڻ کان نه ٿو روڪي، عام چونڊن ۾ سڀ کان وڏو اسٽيڪ عوام جو هوندو آهي، عوامي خواهش جي اظهار ۽ جمهوريت لاءِ صاف ۽ شفاف چونڊون ضروري آهن.