سيالڪوٽ ويجهو منڊيڪي واري علائقي ۾ اڻڄاتل هٿياربندن جي مسجد ۾ فائرنگ جي نتيجي ۾ 2 ڄڻا مارجي ويا.
صدر ڊسڪا ٿاڻي جي حد ۾ موٽرسائيڪل سوار هٿياربندن مسجد ۾داخل ٿي گوليون هڻي شاهد ۽ هاشم کي قتل ڪري فرار ٿي ويا.
اطلاع تي پوليس واقعي واري هنڌ پهچي مقتولن جا لاش کڻائي اسپتال منتقل ڪيا، جتان پوسٽ مارٽم ڪرائڻ بعد مڙهه وارثن حوالي ڪيا ويا.
پوليس جو چوڻ آهي ته واقعي جو ڪارڻ معلوم ناهي ٿي سگهيو، جوابدارن جي گرفتاري لاءِ ڇاپا هنيا پيا وڃن.
ٻنهي نوجوانن جا لاش گهر پهچائڻ تي گهر ڀاتين ۾ ڪهرام مچي ويو.
