تازه ترين

سينئر صحافي جان محمد مهر جي قاتلن جي گرفتاري لاءِ ڪراچي ۾ قلم ڌڻين طرفان  احتجاجي مظاهرو

سينئر صحافي جان محمد مهر جي قاتلن جي گرفتاري لاءِ ڪراچي ۾ قلم ڌڻين طرفان  احتجاجي مظاهرو ڪري ڌرڻو هنيو ويو، جڏهن ته نگران گهرو وزير قاتلن جي گرفتاري لاءِ ٻن هفتن جي مهلت گهرندي  ڪيس جي جاچ سي ٽي ڊي کان ڪرائڻ جو اعلان ڪيو آهي.

جان محمد مهر جي خون سان انصاف ۽ قاتلن جي گرفتاري لاءِ صحافين ڪراچي پريس ڪلب اڳيان مظاهرو ڪري ڌرڻو هنيو ۽ نعريبازي پڻ ڪئي وئي.

اڳواڻن خطاب ڪندي چيو ته فوري طور جان محمد مهر جي قاتلن کي گرفتار ڪري سخت سزا ڏئي سندس خون سان انصاف ڪيو وڃي.

نگران گهرو وزير حارث نواز ڌرڻي واري هنڌ پهچي قلم ڌڻين سان ڳالهيون ڪري جوابدارن جي گرفتاري لاءِ ٻن هفتن جي مهلت گهري ۽  ڪيس جي جاچ سي ٽي ڊي کان ڪرائڻ جو اعلان ڪيو.

 نگران گهرو وزير حارث نواز خطاب ڪندي چيو ته جان محمد مهر قتل ڪيس ۾ هاڻي صحافين جي مطالبن تي عمل ٿيندي نظر ايندو ۽ هر پليٽ فارم تي قلم ڌڻين جو ساٿ ڏنو ويندو.

هن چيو ته قاتل ڀلي ڪيترو نه بااثر هجي، کيس بخش نه ڪيو ويندو،  ڪنهن به صحافي سان زيادتي ٿي ته ايڪشن ٿيندي نظر ايندو.

سندس چوڻ هو ته واقعي جي جاچ ٿيندي ته سڀ واضح ٿيندو ته ڪير ملوث آهي،  مقتول جي وارثن کي هڪ ڪروڙ رپيا به ڏنا ويا آهن.

نگران گهرو وزير حارث نواز چيو ته ڪچي ۾ ڌاڙين خلاف جلد رينجرز ذريعي ڪارروائي ڪئي ويندي.

هن چيو ته هتي منشيات سميت ڪيترائي مسئلا آهن،  جيڪب آباد، ڪشمور ۽ سکر جي ڪچي ۾ ڌاڙيلن خلاف آپريشن ڪيو ويندو، جلد سڀني کي تبديلي نظر ايندي

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
105,000SubscribersSubscribe
Pakistan
scattered clouds
4.4 ° C
4.4 °
4.4 °
38 %
1.1kmh
31 %
سُومر
4 °
اڱارو
10 °
اربع
12 °
خميس
13 °
جمعو
15 °

تازه ترين خبرون