سيوهڻ ويجهو ٻن ڌرين ۾ پراڻي تڪرار تان جهيڙي ۾ هڪ ڄڻو قتل ٿي ويو

سيوهڻ ويجهو ٻن ڌرين ۾ پراڻي تڪرار تان جهيڙي ۾ هڪ ڄڻو قتل ٿي ويو آهي. بوبڪ ۾ ملاح برادريءَ جي ٻن ڌرين وچ ۾ پراڻي تڪرار تان جھيڙو ٿي پيو. فائرنگ جي ڏي وٺ ۾ دين محمد ملاح ن ٿڏي تي قتل ٿي ويو. اطلاع ملڻ بعد پوليس واقعي واري هنڌ پهچي لاش تحويل ۾ وٺي اسپتال پهچايو جتان ضروري ڪارروائي بعد مڙهه وارثن حوالي ڪيو ويو. پوليس جو چوڻ آهي ته شروعاتي جاچ موجب واقعو پراڻي دشمني سبب پيش آيو آھي، علائقي ۾ امن امان جي صورتحال کي يقيني بڻائڻ لاءِ اضافي پوليس نفري مقرر ڪئي وئي آهي. پوليس موجب، واقعي ۾ ملوث ماڻهن جي گرفتاري لاءِ ڇاپا هنيا پيا وڃن.