- Advertisement -
سپريم ڪورٽ جي چيف جسٽس قاضي فائز عيسيٰ کي ڌمڪيون ڏيڻ تي ٽي ايل پي جي نائب امير پير ظهير الحسن شاهه خلاف ڪيس داخل ڪيو ويو آهي.
ٽي ايل پي جي نائب امير سميت 15 سئو ڪارڪنن تي ڪيس ايس ايڇ او حماد حسين جي فرياد تي قلعا گجر سنگهه ٿاڻي تي ڪيس داخل ڪيو ويو.
پوليس جو چوڻ آهي ته ڪيس ۾ دهشتگرديءَ جا قلم، مذهبي نفرت پکيڙڻ ۽ عدليه تي دٻاءَ جا قلم شامل ڪيا ويا آهن.
پوليس موجب، ڪيس ۾ اعليٰ عدليا کي ڌمڪي، سرڪاري ڪم ۾ مداخلت ۽ قانوني فرضن ۾ رنڊڪ وجهڻ جا قلم به شامل ڪيا ويا.
ايف آءِ آر جي متن ۾ چيو ويو آهي ته پريس ڪلب ٻاهران احتجاج سان پير ظهير الحسن شاهه اعليٰ عدليا خلاف نفرت پکيڙي هئي.
ذريعن موجب، بي بنياد الزام لڳائي چيف جسٽس قاضي فائز عيسيٰ کي قتل ڪرڻ جي ڌمڪي ڏني وئي هئي……….- Advertisement -
