سپريم ڪورٽ جي چيف جسٽس پريڪٽس اينڊ پروسيجر ترميمي آرڊيننس تحت فيصلو ڪندي جسٽس منيب اختر کي ججن واري ڪميٽيءَ کان ٻاهر ڪڍي ڇڏيو

سپريم ڪورٽ جي چيف جسٽس قاضي فائز عيسيٰ پريڪٽس اينڊ پروسيجر ترميمي آرڊيننس تحت فيصلو ڪندي جسٽس منيب اختر کي ججن واري ڪميٽيءَ کان ٻاهر ڪڍي ڇڏيو آهي. سپريم ڪورٽ جي رجسٽرار جسٽس امين الدين خان کي ڪميٽيءَ جو ميمبر مقرر ڪرڻ جو نوٽيفڪيشن جاري ڪيو. ٽي رڪني ججز ڪميٽي بئنچن جي جوڙجڪ ۽ انساني حقن جي ڪيسن جو جائزو وٺندي آهي، ججن واري ڪميٽيءَ ۾ سينيئر ترين جج جسٽس منصور علي شاهه به شامل آهي. چيف جسٽس، سپريم ڪورٽ ۾ ٻيون نمبر سينيئر ترين جج جسٽس منيب اختر ڪميٽيءَ مان ڪڍي جسٽس امين الدين خان کي ڪميٽيءَ ۾ شامل ڪيو جسٽس امين سينارٽي لسٽ ۾ پنجين نمبر تي آهي.