- Advertisement -
چيف انجنيئر سکر بيراج منصور احمد ميمڻ ميڊيا ۽ سوشل ميڊيا تي سکر بئراج روڊ جي بندش بابت وائرل ٿيل خبرن جي ترديد ڪري ڇڏي.
چيف انجنيئر سکر بيراج منصور احمد ميمڻ چيو آهي ته بيراج جي مرمتي ڪم سبب سکر بئراج روڊ 8 مهينا بند ڪرڻ وارين خبرن ۾ ڪابه صداقت نه آهي.
چيف انجنيئر سکر بيراج جو چوڻ هو ته ميڊيا ۾ آيل ۽ سوشل ميڊيا تي وائرل ٿيل خبرون جعلي آھن، جيڪي تصديق ڪرڻ کان سواءِ جاري ڪيون ويون آهن.
هن چيو ته بيراج انتظاميا اھڙي قسم جو ڪوبه اعلان يا نوٽيفڪيشن جاري ناھي ڪيو.
هن چيو ته عوام انھن افواھن تي ڌيان نه ڏئي، سکر بيراج روڊ معمول موجب کليل رھندو.
- Advertisement -
