- Advertisement -
بلوچستان جي ضلعي خضدار ۾ پاڪ فوج 14 کان 15 سيپٽمبر جي وچ واري رات انٽيليجنس اطلاعن تي ڪامياب آپريشن ڪندي ڀارت جي حمايتي 5 دهشتگردن کي جهنم ڀيڙو ڪري ڇڏيو.
آءِ ايس پي آر موجب اطلاع هئا ته ڀارت جا حمايتي دهشتگرد خضدار جي علائقي ۾ موجود آهن، آپريشن دوران سڪيورٽي فورسز دهشتگردن جي ٿاڪن کي نشانو بڻايو ۽ فائرنگ جي ڏي وٺ ۾ 5 ڀارتي حمايتي دهشتگرد مارجي ويا.
آءِ ايس پي آر موجب مارجي ويل دهشتگرد علائقي ۾ ڪيترين ئي ڪاررواين ۾ ملوث هئا، سندن قبضي مان وڏي مقدار ۾ هٿيار، گولا باروڊ ۽ ڌماڪيدار مواد به هٿ ڪيو ويو آهي.
آءِ ايس پي آر جو چوڻ آهي ته آپريشن کانپوءِ علائقي ۾ ڪليئرنس ۽ سينيٽائزيشن جو عمل جاري آهي ته جيئن ڪنهن به لڪيل دهشتگرد کي گرفتار يا ماري سگهجي.
آءِ ايس پي آر موجب پاڪ فوج ۽ سڪيورٽي ادارا ملڪ مان ڀارتي حمايت يافتا دهشتگردي جي مڪمل خاتمي جي لاءِ پرعزم آهن ۽ دهشتگردن کي انصاف جي ڪٽهڙي ۾ آڻڻ تائين ڪارروايون جاري رهنديون.- Advertisement -
