تازه ترين

شاهپور جهانيان ۾ بدامني ۽ پوليس طرفان چوڪيدارن تي تشدد خلاف شٽربند هڙتال

شاهپور جهانيان ۾ واپارين جي سڏ تي وڌندڙ بدامني ۽ پوليس پاران چوڪيدارن تي مبينا تشدد خلاف شٽربند هڙتال ڪري احتجاجي مظاهرو ڪري ڌرڻو هنيو ويو.

شهر ۾ شٽربند هڙتال سبب ننڍا وڏا ڪاروباري مرڪز مڪمل طور بند رهيا جڏهن ته  واپارين جي سڏ تي حاجي اسلم ٻگهيو، حاجي صدا بخش سولنگي، معشوق ڏاهري ۽ ٻين جي اڳواڻيءَ ۾ احتجاجي مظاهرو ڪري پريس ڪلب اڳيان ڌرڻو هڻي نعريبازي ڪئي وئي.

احتجاج ڪندڙن ميڊيا سان ڳالهائيندي چيو ته شهر ۽ ڀرپاسي وارن علائقن ۾ بدامني چوٽ چڙهي وئي آهي، ڦر، چوري ۽ ڌاڙا روز جو معمول بڻجي ويا آهن.

هنن الزام هڻندي چيو ته ٿاڻي تي مقرر ٿيل اي ايس آءِ مبين ٻگهيو چوڪيدارن تي بنا جواز تشدد ڪري چوڪيداري ڪرڻ کان روڪي ٿو.

سندن چوڻ هو ته شهر ۾ منشيات، جوا ۽ فحاشي هلي رهيا آهن پر پوليس خاموش آهي ۽ ڪو قدم کڻڻ لاءِ تيار ناهي.

احتجاج ڪندڙن آءِ جي سنڌ، ڊي آءِ جي ۽ ايس ايس پي شهيد بينظيرآباد کان مطالبو ڪيو ته بدامني تي ضابطو آڻي شهرين سان بدتميزي ڪندڙ اي ايس آءِ کي هٽائي شهرين مان بيچيني ختم ڪئي وڃي، ٻي صورت ۾ احتجاج سان گڏ عدالت جو دروازو کڙڪايو ويندو.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
108,000SubscribersSubscribe
Pakistan
scattered clouds
13.6 ° C
13.6 °
13.6 °
66 %
0.6kmh
36 %
جمعو
14 °
ڇنڇر
19 °
آچر
22 °
سُومر
23 °
اڱارو
22 °

تازه ترين خبرون