سڌ سماءَ واري وفاقي وزير عطاءُ الله تارڙ چيو آهي ته شهيدن جي توهين واري مهم ناقابل برداشت آهي، هو دهشتگردي خلاف جنگ ۾ شهيد ٿيندڙن کي ڀيٽا پيش ڪن ٿا، شهيدن جي خاندانن سان گڏ آهن، شهيدن جي قربانين جي توهين ڪئي پئي وڃي.
لاهور ۾ پريس ڪانفرنس ڪندي عطاءُ الله تارڙ چيو ته هڪ سياسي پارٽي شهيدن جي توهين واري مهم هلائي رهي آهي، شهيدن جي توهين واري مهم برداشت جوڳي ناهي، جيڪڏهن ملڪ آهي ته سياست آهي.
سندس چوڻ هو ته سياسي مفادن خاطر پاڪستان مخالف مهم مذمت جوڳو عمل آهي، مهم ۾ ملوث وڳوڙي عنصرن خلاف ڪارروائي ڪئي ويندي.
سڌ سماءَ واري وفاقي وزير عطاءُ الله تارڙ چيو ته وزيراعظم شهباز شريف جي قيادت ۾ ملڪ ترقي ڪندو، معيشيت بابت وزيراعظم روزاني جي بنياد تي اجلاس ڪندو آهي.
هن چيو ته معيشيت کي پيش ايندڙ مسئلا تڪڙا حل ڪرڻ جي ضرورت آهي، حڪومتي خرچن ۾ گهٽتائي اولين ترجيح آهي.
سڌ سماءَ واري وفاقي وزير چيو ته پرڏيهي ميگزين ناڻي واري وزير جي مقرري کي ساراهيو آهي، وزيراعظم معاهدي جي ڳالهه ڪئي آهي.
عطاءُ الله تارڙ چيو ته سياستي تنقيد ڪريو پر ريڊ لائين ڪراس نه ٿيڻ گهرجي، کين قومي مسئلن تي متحد ٿيڻ گهرجي.
سڌ سماءَ واري وفاقي وزير عطاءُ الله تارڙ چيو ته ماڻهن جي زندگي کي آسان بڻائڻ سندن مشن آهي، ملڪ کي ڊفالٽ ٿيڻ نه ڏيندا، احتجاج ڪرڻو آهي ته پاڪستان ۾ اچي ڪريو، آءِ ايم ايف جي عمارت آڏو احتجاج ڪرڻ جو ڇا مطلب آهي؟ هو چاهن ٿا اتفاق ۽ سلوڪ سان ملڪ کي اڳتي وٺي هلن
